|
Pochi minuti prima dea pietà
|
|
Ancora pochi minuti, forse te
iera
drio netàr ‘e piastre de chea pressa
màedeta, forse de pressa, pa’assàr
tut a posto prima che sonesse ‘a sirena,
farlo fin in fondo el tó dovér, chissà
che i te tornesse ciamàr, pì ‘vanti,
a setenbre…Ancora pochi minuti
e dopo te saràe ‘ndat al bar a béverte
un spriz, ‘na bireta… che ‘e presse va
a zhento e passa gradi, lo so, se suda,
in istà, ‘a sé vien da sóea, ‘a góea arsa…
O forse te iera drio pensar aa tó vita
da precario, un mese qua, dó de ‘à,
co’a va ben, co’l teèfono sona, a come
che sie possìbie farse su un futuro,
cussìta… che te stea ‘ncora co’ i tó
vèci, un banboción che no’ assa ‘l nido,
che ‘l sta ben là, sot’e àe dea mare.
|
Po’e piastre li ‘à schinzhàdhi, chii
pensieri, insieme a tute ‘e boiàdhe
dite da ministri, paróni, sindacaisti.
Resta ‘l tó corpo soto un nizhiòl, fra
i mùeti e ‘e rulière. Resta chea carne
zóvana al mazhèo de un lavoro can,
bésteme missiàdhe ai segni dea crose
de man cavàdhe via dal domàn. Resta
chea manciàdha de minuti prima che
el contràto finisse, che ‘a pietà rinasse.
|
Pochi minuti prima della pietà
Ancora pochi minuti, forse stavi / pulendo i piani di quella pressa / maledetta,
forse di fretta, per lasciare / tutto a posto prima che la sirena suonasse, /
farlo fino in fondo il tuo dovere, chissà / che ti richiamassero, più avanti, /
a settembre… Ancora pochi minuti / e dopo saresti andato al bar a berti / uno
spritz, una birretta… che le presse vanno / a cento e passa gradi, lo so, si
suda, / in estate, la sete viene da sé, la gola arsa… // O forse stavi pensando
alla tua vita / da precario, un mese qua, due là, / quando va bene, quando il
telefono squilla, a come / sia possibile costruirsi un futuro, / così… che stavi
ancora con i tuoi / genitori, un bamboccione che non lascia il nido, / che sta
bene là, sotto le ali della madre. // Poi le piastre li hanno schiacciati, quei
/ pensieri, insieme a tutte le cazzate / dette da ministri, padroni,
sindacalisti. // Resta il tuo corpo sotto a un lenzuolo, fra / muletti e
rulliere. Resta quella carne / giovane al macello di un lavoro cane, / bestemmie
mischiate ai segni di croce / di mani estirpate al domani. Resta / quella
manciata di minuti prima che / il contratto finisca, che la pietà rinasca.
|